උබුන්ටු වල ඩොංගල් වැඩ කරන්නේ නැද්ද??-උබුන්ටු 9.10 සමග ඩොංගලයකින් අන්තර්ජාලයට පිවිසෙමු-How to use a dongle in ubuntu 9.10

අද මම ටිකක් විතර පරණ යාළුවෙක්ගේ ලැපකට උබුන්ටු දාන්න බැලුවා 11.10 එහෙම පට්ට ස්ලෝ කිසිම වැඩක් කරගන්න බැරිවෙයි කියලා හිතුනු නිසා අන්තිමට තීරණය කලා 9.10 දාන්න...කොහොමෙන් කොහොමහරි දාගත්තා කියමුකෝ දැන් ඉතින් සන්තෝසෙන් ඩොංගල් එක එහෙම ගහලා ඉවරවෙලා sudo apt-get install කියලා ගහන්න ලෑස්ති පිට හිටියේ.......

ම්හූ...... ඩොංගල් එක ගන්නේ නෑ...

දන්න සෙල්ලම් සේරම දැම්මා ඒත් නෑ......

එතකොට තමයි ගූගල් දෙයියාව සිහිවුනේ...ඉතිං මගේ ලැපට ඩොංගල් එක ගහලා දෙයියව ඇමතුවා.රටේ නැති ගිනි විජ්ජුම්බර කරන්න කියනවා ඒක හදාගන්න.මම ඉතින් හත්පොලේ ගාගන්න කැමති නැති නිසා දන්න හැම ඉංග්‍රීසි අකුරක්ම දාලා හෙව්වා....මෙන්න බොලේ චූට්ටිත්තං පිටුවක් ආවා....මේං ඒ පිටුව http://tech.firdooze.com/2009/11/09/work-around-for-ubuntu-910-karmic-koala-huawei-modem-problem/

මේක දාන්න හේතු වුනේ කිසිම සිංහල බ්ලොග් එකක මේ වැඩේ හරියට කොරන හැටි නොතිබුනු නිසා.තේරුම් ගන්න කට්ටියට අමාරු වෙයි කියලා හිතුනු නිසා මම මේක කරපු විදිය කියන්නම්කෝ.... අහිතක් හිතන්න එපා කොපි කලා කියලා....

තව දෙයක් කියන්න ඕනේ උබුන්ටු  11.04 සහ 11.10 වලදි නම් ඩොංගල් එක ගහපු ගමන් වැඩ 

පියවර 01

ඩොංගල් එක උබුන්ටු 9.10 සහිත පරිගණකයට සම්බන්ධ කරන්න....

පියවර 02

ටර්මිනලය විවෘත කර මේ කේතය යොදන්න

sudo rmmod usb-storage

මේ කෝඩ් එක යෙදුවාම මටත් error මැසේජ් එකක් ආවා එතකොටයි දැක්කේ ඩොංගල් unmount කරන්න ඕනේ කියලා...ඒක ඉතින් right click කරලා කරන්න දන්නවනේ...

පියවර 03

ටර්මිනලයේ මෙම කේතය යොදන්න

lsusb

මේක යෙදුවාම එනවා දැනට භාවිතා වෙන usb පිළිබඳ ලිස්ට් එකක් අන්න ඒකේ පින්තූරයක් මම දක්වන්නම්කෝ....

 ඔයාලට පේනවා ඇති A අකුරින් ඉරි ඇඳලා තියෙන කොටස.අන්න ඒ කොටස පරිස්සමට කොහෙන්හරි ලියාගන්න ඒක තමයි vendor id එක.

B අකුරින් තියෙන කොටස අයිති වෙන්නේ product id එකට.ඒකත් ලියාගන්නකෝ.

දැන් අපි ලෑස්තිවෙන්නේ අපේ ඩොංගල් එක ස්ථාපිත කරගන්න.

පියවර 04

sudo modprobe usbserial vendor=0x12d1 product=0x14ac

ඔන්න ඔය ආකාරයට ටර්මිනලයට විධානය ලබා දුන්නාම ඔයාලට දැකගන්න පුළුවන් කනෙක්ෂන් එක පෙන්වන ස්ථානය ටිකක් දඟලලා කැරකිලා අපිට කනෙක්ෂන් එක ලබාදෙන හැටි.මතක තියාගන්න 0 ඉලක්කම සහ x අකුර යොදලා අර vendor name එක ලබාදෙන්න. මේක හරිගියාට පස්සේ ඉතින් පුරුදු පරිදි තමන්ට අදාල රටයි අදාල සේවාවයි තෝරලා වැඩේට බහින්න.airtel දෙනවනම් අනිවාර්යෙන් my plan is not listed තෝරලා AirtelLive ලබා දෙන්න apn එකට.මේ මහ රෑ මේක දැම්මේ කට්ටියට වැඩක් වෙයි කියලා හිතලා මමත් මගේ ප්‍රශ්නේ යන්තම් ගොඩ දාගත්තා.උඩ දාලා තියෙන ලින්ක් එකෙන් තමයි මම ඉගෙන ගත්තේ.

එහෙනම් තවත් වටිනා දෙයක් අරන් එන්නම්කෝ ඉදිරියෙදි.....

මට අමතක වූ Linux ඉතිහාසය

Linux ගැන කථා කරනකොට අපිට ගොඩක් වැදගත් වෙන්නේ එහි commands භාවිතය ඉගෙන ගැනීම.නමුත් Linux නිර්මාණය වුනේ කොහොමද මූලාශ්‍ර මොනවද කියලා දැනගන්න එක වැදගත් කියලා මට හිතුනා.මෙතැන් පටන් Linux ඉතිහාසය ඉතා කෙටියෙන් එකතු කරන්නම්.

Linux ඉතිහාසය

Linux නිර්මාණය වෙන්නේ මීට අවුරුදු 20කට කලින් 1991 වර්ෂයේදියි.පසුගිය අවුරුදු 20ක කාලය පරිගණක ඉතිහාසයේ අමරණීයම අවධියක් ලෙසයි සැලකෙන්නේ.ඊට හේතුව පරිගණක ක්ෂේත්‍රයට අදාල බොහොමයක් නව නිපැයුම් බිහිවුණේ මේ කාල පරාසයේදි නිසා.නමුත් පරිගණක ඉතිහාසය පසුගිය වසර 20ට ලඝු කරන්න කිසිම හැකියාවක් නෑ.Linux නිර්මාණය සදහා පාදක වූ unix නිර්මාණය වෙන්නේ 1970 වර්ෂයේ මැද භාගයේදී.

Linux නිර්මාතෘ

Linux නිර්මාණය කරන්නේ Linus Torvalds නැමැති ෆින්ලන්ත ජාතිකයෙක් ඔහු ඒ වන විට Helsinki විශ්ව විද්‍යාලයේ ඉගෙනුම ලබමින් සිටි ශිෂ්‍යයෙක්.ඔහු තමන්ගේ ප්‍රථම පරිගණකය මිලදී ගන්නේත් මේ අවධියේදීමයි නමුත් ඔහුට මෙහෙයුම් පද්ධතියක් තෝරා ගැනීමේදි ප්‍රශ්ණයක් පැන නැගුණා.එම කාලයේදි මෙහෙයුම් පද්ධති ලෙස පැවතුනේ විවිධ Dos හි සංස්කරණ කිහිපයකුත්,ඉතාමත් මිල අධික unix සහ අඩු මිලකට පැවතුණු minix නම් පිටපත් පමණයි.අවසානයේදී torvalds තීරණය කරන්නේ minix තෝරාගැනීමටයි.

පහත රූප පෙළින් ඔබට ඒ කාලයේ පැවති මෙහෙයුම් පද්ධතියක ස්වාභාවය දැකගැනීමට පුළුවන්

Minix මත වැඩ කරන විට ගන්නා ලද රූපයක්

Minix යනු කුමක්ද

Minix යනු ප්‍රසිද්ධ Unix මෙහෙයුම් පද්ධතියේ ක්ලෝනයක් ලෙසයි සැලකෙන්නේ.මේ අවධියේදී Unix භාවිතා වූයේ විශාල ව්‍යාපාරික කටයුතු සදහා සහ විශ්ව විද්‍යාලවල පරිහරණය සදහා පමණයි එයට හේතුවක් වූයේ එය මිලෙන් අධික වීම.සාමාන්‍ය පුද්ගලයින් මෙය භාවිතා කලේ ඉතාමත්ම සුළු වශයෙන්.

Minix මෙහෙයුම් පද්ධතිය Andrew S. Tanenbaum නැමැති පරිගණක මහාචාර්යවරයා නිපදවන ලද්දක්.ඔහු එම පද්ධතිය නිර්මාණය කරන්නේ තම සිසුන්ට මෙහෙයුම් පද්ධතියක කාර්යය භාරය පැහැදිලි කිරීම සදහා.එම නිසා එහි කේත සටහන් පවා ඒ වන විට නිකුත් වී තිබුණා.

නමුත් Torvalds හට Minix සම්බන්ධවත් ගැටළු රාශියක් පැණ නැගී තිබුණෘ.එහි තිබූ තාක්ෂණික දුර්වලතා හේතුකොටගෙන ඔහුට නව මෙහෙයුම් පද්ධතියක අවශ්‍යතාවයක් තදින්ම දැනුනා.Unix පාදක කොටගෙනම නව මෙහෙයුම් පද්ධතියක් නිපදවීමට ඔහු තුල ඇතිවූ පෙළඹවවීම තමයි Linux බිහිවීමට ඉවහල් වුණේ ඒ නමුත් ඔහු ප්‍රථමයෙන්ම ඔහුගේ මෙහෙයුම් පද්ධතියට ලබා දුන්නේ freax නාමය.එහි නාමය Linux ලෙස ස්ථාවර වූයේ ඔහුගේ මිතුරෙකු වන Ari Lemmke දුන් Linux නාමය වේගයෙන් ජනප්‍රිය වූවාට පසුවයි.Torvalds ගේ මුල් නම වන Linus හි S ඉවත් කොට Unix හි පිටපත් සෑම එකකටම පාහේ යොදන X යොදා Linux නාමය ලබාදුන්නේ ඔහු විසින්.

Linux බිහිවීම

Torvalds හට තම විශ්ව විද්‍යාලයට යෑමට සිදුවී තිබුණේ පා ගමනින්.සීත සමයේදි විශ්ව විද්‍යාලයට පා ගමනින් ගොස් එහි තිබූ ප්‍රබල මධ්‍ය පරිගණකය භාවිතා කිරීම ඔහුට තරමක් කටුක අත්දැකීමක් වූවා.ඒ නිසා ඔහුට සිතුවිල්ලක් පහල වූවේ නිවසේ සිටම විශ්ව විද්‍යාලයේ මධ්‍ය පරිගණකයට සම්බන්ධ වීමටයි ඒ ඔස්සේ ඔහු සකසාගත් වැඩසටහන සාර්ථක වුණා.අවසානයේදී Torvalds වටහා ගත්තා තමන් මෙහෙයුම් පද්ධතියක kernel එකක් ලියා ඇති බව.

Linux ගමන

Torvalds තම නිර්මාණය අවසන් කිරීමෙන් පසුව සෑම කෙනෙක්ටම කේත වෙනස් කර නැවත බෙදා හැරිය හැකි වන ලෙස ඉඩ සැලස්වූවා.විශ්මයජනක ලෙස ලොව පුරා ක්‍රම ලේඛකයන් ඔහු වටා රොක්වුණෘ අඩු පාඩු සකසමින් නැවත Torvalds වෙත ලබා දුන්නා ඇදහිය නොහැකි ආකාරයට ඉතා සීඝ්‍රෙයන් මෙහෙයුම් පද්ධතිය ජනප්‍රිය වීමට ගත් අතර අද වන තුරු එහි වේගය අඩාල වූ බවක් නම් පෙනෙන්න නෑ

ප/ලි

ගොඩක් කාලෙකින් ලියන්න බැරිවුනා ඉතිං අපේ වැඩයි අනික් බ්ලොග් වල වැඩයි එක්ක.දන්නවා ඇතිනේ දැන්  මේ බ්ලොග් ලියන්නේ ගැමියාගේ පත් ඉරුව සහ මණ්ඩිපාල විසින්.මෙච්චර කාලයක් ඉතිහාසය ගැන ලියන්න බැරිවුනු නිසා ඕං ඒකත් ලිව්වා.මූලාශ්‍ර ගත්තේ  ebooksclub.org__Beginning_Ubuntu_Linux__Third_Edition__Beginning_from_Novice_to_Professional_

පොතින්....

මීලඟ ලිපිය බොහෝම ඉක්මන්ට ලියන්න බලාපොරොත්තු වෙනවා උබුන්ටු මත මෘදුකාංග ස්ථාපනය කල හැකි කෙටි ක්‍රම පිළිබඳව....මීට කලින් ලිපියක වුනු පොරොන්දුවත් ඉක්මනින්ම ඉෂ්ඨ කරන්නත් බලාපොරොත්තු වෙනවා....(වැරදි ඇත්නම් පෙන්වන්න හොඳේ)

උඩම තියෙන පින්තූරේ මාතෘකාවට අදාල නැතත් ඒ තරමට උබුන්ටු රැගෙන එන විදිය හැකි උපරිමයෙන් හැමෝටම කියලා දෙන්න බලාපොරොත්තු වෙනවා